Sa sakit ng pagkakasampal niya sa akin ay napahawak na lamang ako sa pisngi ko.
"P-para saan iyon?" nauutal kong sabi sa kaniya.
"Pati ba naman si Aaron, aagawin mo pa sa akin? Alam mong sa hinaba-haba ng panahon ay ngayon lang ako nagkaroon ng chance na mabigyan ng flowers! Buong akala ko pa ay para sa akin iyon pero para sa'yo pala!" paninigaw niya sa akin.
Tila ba nilagyan ng kung anong sapal ang aking bibig kaya't walang ni isang salita ang lumabas dito.
Ilang segundong nakatingin lang siya sa akin habang umiiyak at wala akong magawa dahil parang mayroong pumipigil sa akin para magsalita.
Nang makaipon ako ng lakas ng loob ay napagpasiyahan ko nang magsalita dahil hindi ko alam kung ano ba ang nagawa ko sa kaniya para sampalin niya ako nang ganoon kalakas.
"A-ano bang sinas
