Gustuhin man niyang magtanong sa kanyang Ina kung bakit parang iniwasan siya ng kanyang Kuya ay nanahimik na lamang siya. Ipinalagay na lamang niya na masyado lamang itong abala sa mas mahahalagang bagay.
Hindi pa halos sumisikat ang araw ay nag-umpisa na sa gawain ang kanyang Kuya at malalim na ang gabi kung ito'y mamahinga.
May mga araw na umaalis ito, kahit ang kanyang ina ay hindi alam kung saan ito nagpupunta.
Mas madalas pang magpahinga ito sa kubo nitong sira-sira na nakatirik sa kabilang ibayo keysa sa kanilang bahay kapag araw.
Halos isang linggo rin siyang namalagi doon bago niya napag desisyunang bumalik na ng Maynila.
Totol man ang kanyang ina dahil hindi pa daw sila nagkaka-usap ng kanyang Kuya ay hindi na siya napigilan na lumisan.
Ang naging katwiran na lamang niya ay
