TW: mention of death
PUNONG-puno ng uncertainty ang mundo kaya malaking bagay na may mga tao na magpaparamdam sa 'tin ng assurance o katiyakan sa kahit na anong aspeto ng buhay. Sa gano'ng paraan, magkakaroon tayo ng kapanatagan sa puso at magagawa nating magpatuloy.
'Yan ang eksaktong damdamin na ipinararamdam sa 'kin ni Isay. Kaya naman labis akong nagpapasalamat sa universe kasi nagkakilala kami at nagkaroon ako ng pagkakataon na mahalin s'ya.
Yun din ang bagay na gusto kong patunayan sa kan'ya araw-araw.
"Love, kumusta na si Chichi?" Tanong n'ya na ang tinutukoy ay ang patient cat namin na nakuwento ko sa kan'ya last time.
Si Chichi ay isang stray calico female cat na na-rescue at dinala sa clinic. Pero mahinang-mahina na s'ya. Noong isang araw, lumabas ang xray result n'ya at
