RAMDAM ni Ysabel na nagagalit sa kanya si Jaden. Dahil siguro sa hindi niya pagsunod sa bilin nito na huwag makikipag-usap kahit kanino. Bagaman at magkatabi sila nito ng upuan hindi naman siya nito pinapansin puro si Aira ang kinakausap nito. Nagmumukha na tuloy siyang tanga.
Si Sabrina ay inaya siya nito kanina sumayaw ngunit tumanggi siya. Kaya hayon nagwawala sa dance floor. Kung sino-sino na ang kasayaw. Mukhang masama ang loob nito kay Gregory. Si Adam naman ay may sarili na ring mundo. Syempre sa piling ng mga chicks nito. Gayon din ang iba pang mga miyembro ng Romeo's.
Tumayo siya para kumuha ng pagkain. Sa pagkain niya nalang ibubuhos ang inis niya kay Jaden. Hindi siya nito pinapayagan na makipag-usap kahit kanino ngunit hindi rin naman siya nito kinakausap. Anong plano nito s
