NAPAKAGANDA ng gising ni Ysabel. Lahat ng nakikita niya ay punong puno ng kulay at buhay. Abot tenga rin ang kanyang ngiti.
"You will always be beautiful in my eyes..." Parang lumulutang sa alapaap pa niyang isinasayaw ang hawak na walis tambo habang sinusundan ang kanta ni Jericho Rosales at pang limang beses niya na yatang inuulit-ulit patugtugin. Hindi niya tuloy namamalayan na kanina pa rin siya pinagmamasdan ng Mama niya mula sa pinto ng kwarto nila.
"Anak, alam kong paborito mo ang kantang iyan. Ngunit hindi ka ba nagsasawa at ilang beses mo na iyan pinapaulit ulit? Tsaka paano kang matatapos sa pagliligpit dito sa kwarto kung hindi ka naman nagwawalis… Eh isinasayaw mo iyang walis ah!" napailing na sita ni Aling Anna sa anak.
Napapahiya naman na ibinaba ni Ysabel ang walis at n
