KATULAD ng napag-usapan ni Anje at Ted ay sumagot na sila sa tanong ng mga paparazzi. Ang kaso sa halip na manahimik na ang mga ito ay lalo lamang nagkagulo ang mga ito nang malamang engaged na siya. Hinahanapan pa siya ng engagement ring ng mga ito. Mabuti na lang at mabilis siyang nakaisip ng palusot. Na masyadong importante sa kanya ang singsing na iyon kaya itinatabi niya at hindi isinusuot. Ang kaso, mukhang hindi iyon bumenta sa paparazzi. Hinabol pa rin siya ng mga ito hanggang sa labas ng building ng apartment nila.
Pabagsak siyang umupo sa sofa ng apartment nila. “Ang hirap nilang itaboy,” reklamo niya.
“Sabihin mo kay Ted na bigyan ka ng singsing para magtigil na sila,” sabi ni Stephanie.
Napangiwi siya. “Abusado naman ako n’on. Masyado na nga siyang mabait para pumayag magkun
