DEBBIE'POV
"HUWAG muna raw tayo umalis, Debs."
Napalingon ako sa pinsan kong nag-aayos din sa tabi ko.
Papunta na kasi kami ngayon sa bahay nila Fe. Syempre, sabado ngayon kaya araw na ng trabaho.
Gusto ko talaga makabawi sa ilang sabado na hindi ako pumasok.
Buti na nga lang wala kaming klase tuwing sabado, si Ling kasi minsan meron siyang pasok.
"Bakit daw?" nagtatakang tanong ko.
Nagsimula na tuloy akong kabahan baka kasi nagkaroon ng problema.
Nagkibit balikat siya. "Hindi ko alam. Nagchat ako pero hindi pa sumasagot," turan nito. "Baka wala kanang trabaho, Debs," nanlaki pa iyong mga mata niya.
Inismiran ko siya. "Baka hindi ka na pinapasama kasi puro ka lang selfie sa bahay nila," biro ko.
Ganiyan kasi lagi ginagawa ni Ling, magkasundo sila ni Fe sa part na iyan.
