"Hoy bakla, hinay-hinay lang," nanlalaking matang sita ni Paloma sa kanya, subalit inirapan niya lang ito habang nginangata ang siopao na hawak.
"Sheryll, sigurado mong ayos ka na?" tanong ni Bobby paka-abot sa kanya ng isang basong softdrinks.
Dalian niya na lang iyong kinuha para inumin, dahil nadama niya na rin ang pagbara ng mga pagkain sa lalamunan.
Isang maginhawang dighay ang pinakawalan niya bago magsalita, "Oo naman, nalipasan kasi ako ng gutom, tapos ang init pa," nginitian niya na lang ang mga ito sabay paypay ng kamay, "nabigla lang iyong tiyan ko sa pagkain kanina," dugtong niya dahil hindi pa rin nawawala ang pag-aalala sa mukha ng dalawa.
"Ganoon ba?" nanghihinang sambit na lang ni Bobby habang binubuksan ang hawak, "heto, mag noodles ka para naman mainitian iyong tiyan
