Pupungay-pungay pa niyang idinilat ang mga mata. Nagising siya sa kakaibang halimuyak ng paligid, isang bagay na nakakapanibago, lalo pa at tila malinamnam at mabawang ang naturang amoy..
Bigla na lang siyang nakaramdam ng gutom. Bahagyan niyang kinapa ang tabi at napadilat na lang nang walang mahawakan doon. Kunot noo siyang lumingon bago napabangon, aligaga niyang pinalibot ang tingin sa paligid dahil sa kaba. Natigilan lang siya sa pagkataranta nang muling maamoy ang kakaibang bango sa kuwarto.
Madalian na lang niyang sinuot ang kanyang boxers bago lumabas, ganoon na lang ang ngisi niya nang makita si Sheryll na masayang nagluluto habang sumasayaw sayaw pa sa may kusina, sinasabayan pa ng huni ang bawat kendeng nito ng baywang.
Lumapad lang lalo ang ngiti niya habang pinagmamasdan
