Halos malalaglag na ang mga panga ng mga kaibigan ni Sheryll nang makita siyang bumaba sa magara at mamahaling kotse. Ganoon na lamang ang pagkakalabitan at bulungan ng mga ito.
"Salamat sa paghatid Ray," paalam niya sa binata.
Minabuti na niya na magpahatid sa may kanto ilang bahay ang layo sa kanilang mismong tahanan, hindi niya rin naman kasi gusto na usyusohin pa ng mga magulang ito.
"My pleasure," makahulugang sambit nito sabay ngiting-ngiting kumindat sa kanya.
Napakagat labi na lang siya sa hiya bago isarado ang pinto ng kotse nito. Nanatili lang siyang kumakaway sa kinalalagyan hanggang sa makaalis ang naturang sasakyan.
"Hoy bruha ka, anong ginawa mo!" bulalas na pamamaywang kaagad ni Delila.
Muntik na siyang mapatalon sa gulat nang bigla na lang siya nitong sundutin sa t
