Napalunok na lang si Sheryll nang makita kung paano magbago ang binata dahil sa kanyang mga sinabi.
Ang malambing at mahinahon nitong mukha ay naging matalim at madilim, bagay na hindi niya akalain na matutuon sa kanya, kaya naman tinalikuran niya na ito kaagad upang makaalis, nanginginig pa ang kanyang mga paa habang sa pagmamadali na makalayo.
Napatigil siya nang magawang mahawakan ng lalake muli ang kanyang braso, mahigpit at halos bumabaon ang mga kuko nito sa kanynag balat.
"Ray!" parang nagmamakaawa niyang sambit.
Nakadama siya ng pangamba para sa sarili habang pinapakatitigan nito ng matalim, wala siyang nagawa kundi ang mapaluha sa harap ng binata.
Pumikit ito ng panandalian nang makita ang takot sa mukha ni Sheryll, halatang natauhan sa ginawa kaya naman ganoon na lang ang pa
