Friday night at Kote Wall Road. Alas-siete ng gabi.
Pagkatapos siyang takasan ni Ella at lagyan ulit ng black-eye sa kabilang mata ay hindi na ito nagpakita. Pagbalik nila sa kanyang villa ay agad na nagkulong ito sa kwartong pinahanda niya para rito. Walang ni-ha o ni-ho. Ganoon lang ‘yon.
Pagkatapos niyang matikman ang matatamis na labi nito ay siya naman ang pinatikim nito ng kamao. Hindi man lang ito sumagot nang matino sa mga pinagsasabi niya. Pati ang pagdadala niya rito sa espesyal na lugar na ‘yon ay nauwi rin sa wala.
Kinaumagahan, kahit hindi niya maidilat ang kanyang kanang mata dahil sa papamaga noon ay nagmamadali siyang kumatok sa kwato nito. Pinili niya talaga para kay Ella ‘yong kwartong kasunod lang ng kanya. Sinadya niya ‘yon para mailayo ito sa iba pang mga kwar
