Kabanata 19
SAMO’T-SARING emosyon ang nararamdaman ngayon ni Angel. Gusto niyang lapitan si Douglas ngunit nandoon ang takot at pangamba. Wala siyang sapat na loob para kilalaning kabiyak ngayon ang lalaki.
“I miss you so much.” Mabilis na nagsilabasan ang mga luha sa dalawang mata ni Douglas. Tila kinukurot ang puso ni Angel na makitang ganoon ang lalaki. Lalo pa’t nararamdaman niyang gusto siyang yakapin nito.
“Kumusta ka na Douglas,” pinilit niyang ngumiti. “Hindi ko pa pormal na naipakilala sainyo si Dominic... Douglas, Veronica si Dominic... nobyo ko. At Dominic, si Douglas ama ni Stanley at si Veronica pinsan ni Douglas na siyang kapatid ni Homer.”
“Nice meeting you,” mabilis inilahad ni Dominic ang kamay nito ngunit si Veronica lang ang tumanggap.
“Nice meeting you, Dominic.
