دموع الندى

البارت الرابع

اما اروح اروق اوضة علا قبل ما تيجي من المدرسة وطنط كمان تيجي تزعق لي راحت ندي تروق أوضة علا ولما جت تروق السرير لاحظت ان في حاجة تحت المرتبه اخدها الفضول تشوف ايه الحاجة دي لاقت ظرف بني كبير مكتوب عليه اسمها ندي عادل حماد استغربت أوي من الظرف ده ليه مكتوب عليه اسمها وليه في اوضة علا وكمان مخبياه تحت المرتبة لما فتحت الظرف لاقت أوراق كتير كلها مكتوب عليها اسمها فحست ان الورق ده ملف المدرسة بتاعها بس ليه علا مخبياه عندها وهي ماسكة الورق وسرحانه علا دخلت فجأة من المدرسة.

علا انتي بتعملي ايه عندك انتي بتفتشي في حاجاتي يا حرامية ندي انا مش حرامية انا كنت بروق السرير لاقيت الملف بتاعي عندك انتي مخبياه عندك ليه وخالو عمال يدور عليه من زمان علا هاتي الملف ده علا خدت منها الملف وطردتها برا الأوضة جت رغدة جري علي صوت الزعيق لقت ندي قاعدة علي الأرض قدام باب أوضة علا ومفطورة من العياط رغدة مالك يا ندي قومي معايا قومي دخلو اوضتهم ورغدة قفلت الباب عليهم رغدة مالك يا ندي ايه اللي حصل.

ندي بعياط طنط قبل ما تنزل قالت لي روقي أوضة علا دخلت اروق السرير فلاقيت في حاجة تحت المرتبة عليها اسمي فبصيت فيها وعرفت انها الملف بتاعي دخلت علا وانا ماسكاه وقالت لي اني حرامية وبفتش في اوضتها وشدت مني الملف وطردتني برا الأوضة اكملت ببكاء هي ليه مخبياه انا نفسي اروح المدرسة واخرج من البيت زيكو طبطبت عليها رغدة وهديتها شوية رغدة.معلش يا ندي هي اكيد بتهزر معاكي ومش قصدها تدايقك خالص اهدي كدا وروقي شوفي جيبت لك ايه من برا كليها بئي وانا هجيب لك الملف وارجع.

علا عاوزة ايه رغدة اتكلمي مع اختك الكبيرة باسلوب احسن من كدا انتي خدتي الملف بتاع ندي من عند بابا وخبيتيه ليه ومش عاوزاها تروح المدرسة زينا ليه يعني عاجبك حبستها في البيت كدا حتي ماما مش بترضي تنزلها معاها علا وهي أصلا تروح المدرسة زينا ليه خليها قاعده هنا اديني بجي من المدرسة بلاقي الأوضة نضيفه

رغدة وانتي عشان مصلحتك تعملي كدا هاتي الملف انا هديه لبابا ومش هقوله انك انتي اللي خدتيه من وراه هقوله اني لاقيته في اي حته علا وانا مالي انا ماما اللي عطيتهوني وقالت لي اخبيه عندي وانا عملت اللي هي قالت عليه ومش هديه غير لماما.

رغدة وماما هتعمل كدا ليه يا كدابه انا لما ييجي بابا هعرفه كل حاجة واخليه يخده منك بالعافية واكيد هيعاقبك علا بخوف طيب لو اديتهولك ماما هتزعق لي بردو رغدة لا متخافيش هقول لبابا اني لاقيته كان واقع تحت المكتب ومش هخلي ندي تقوله علي اللي حصل علا طب ماما هتعرف اني انا اللي اديتهولك رغدة لا لو سألتك قولي ليها اللي حصل ندي شافته وهي بتروق وخدته اتفقنا.

رغدة متعامليش ندي كدا تاني مش عشان هي اصغر واحدة فينا نشغلها عندنا روقي أوضتك مكانك الصبح علا أنا مش بقولها روقي حاجة ماما اللي بتخليها تروق رغدة طيب يا علا.

رغدة رجعت اوضتهم رغدة جيبت لك الملف يا ستي كانت بتهزر معاكي قولت لك اوعي تقولي لبابا علي الحركة دي بئي ندي بفرحة طيب ما خالو هيسألني جيبتيه منين رغدة لا خليه معايا عشان البت علا مترجعش تخده تاني وانا هديه لبابا بنفسي اتفقنا ندي بتحضنها بفرحة اتفقنا.