"GOOD news, hijo! Tumawag ang Uniwider at sinabing inihahanda na nila ang kontrata," ani uncle Nestor sa kabilang linya. Ang totoo ay alam ko na 'yon dahil naitawag na sa akin ng sekretarya ko sa Manila.
"Magandang balita nga 'yan, Uncle," walang gana kong sagot.
"Talaga? Magandang balita, e, bakit parang hindi ka masaya? May problema ba, Reagan?" kuryoso nitong tanong.
"Wala naman, Uncle. Nasa point lang ako ng buhay ko ngayon na masyado akong maraming iniisip."
"Really? Kung kailan talaga naglaho na si Stella ay saka pa dumami ang iniisip mo?" sabi pa nitong mukhang hindi naniniwala. Higit kaninuman talaga ay si uncle Nestor ang nakakikilala sa akin.
"Tama ka, Uncle. Pero huwag kang mag-alala at hindi naman ito problema."
"Mabuti naman kung gano'n. So, I guess, we need a celebr
