Luna
Malungkot man ang pag-alis ni Reagan, pinilit ko pa ring umakto na parang walang nangyari. Iniisip ko na lang na pumapasok lamang siya sa opisina pero pagdating naman ng hapon ay mas nalulungkot ako dahil wala siya. Kahit anong pilit kong maging masaya, parang may kulang talaga.
Nasa Singapore man ito ay araw-araw itong tumatawag para kumustahin ako. Lagi itong nanghihingi ng update tungkol sa nangyayari sa akin sa eskwela. Okay naman ako. Katunayan ay isang linggo na nga ang nagdaan buhat ng umalis ito. Nasasanay naman na ako pero nalulungkot pa rin dahil nasanay akong nakikita ko lamang siya palagi sa bahay at sabay kaming kumakain, natutulog at gumigising pero ngayon ay ginagawa ko lahat ng iyon ng mag-isa.
"Ilang araw ka ng ganyan. Huwag mo nang isipin 'yon, naka-isang linggo
