سالم و قد استسلم : اني يا جود هقولك
نظر له محمد فهو يعلم الحقيقه كاملة
سالم : زمان كان ابوي و عمي عايشين مع بعض في بيت واحد و كانوا بيحبوا بعض و مفيش حاچه ممكن تفرق بينهم و حتي امي و مرت عمي كمانوا مبيتفرقوش خالص حتي في الموت متفارقوش و ماتوا في نفس الاسبوع لما اني و بت عمي اتولدنا كان ابوي و عمي مسافرين اتولدنا في نفس الاسبوع و عمي و ابوي مرجعوش غير لما كان عمرنا سبع شهور امي تعبت بعد ما ولدتني و مرت عمي هي إلي راعتني و مكانتش بتقول لابوي انه مرته تعبانة في جواباتها عشان ميقلش عليها و عشان ده طلب امي و عشان امي كانت تعبانه اضطرت مرت عمي ترضعني مع بت عمي لمدة شهرين و بعدها امي خفت و بقيت زينه و قدرت ترضعني و لما تمينا اني و بت عمي السبع شهور رجع عمي و ابوي من السفر و معرفوش بحكاية انه اني رضعت مع بت عمي و حتي اهل البلد كمان محدش كان يعرف و بعد تلت سنين اتوفت امي و مرت عمي و مفيش حد عرف
