Chapter 114
SIENNA
PAGKABABA ko ng hagdan ay agad kong narinig ang mahinang tawanan mula sa visitor receiving area ng bahay. Maluwang ang silid na iyon, high ceiling, malaking chandelier sa gitna, at mahahabang bintanang natatakpan ng makakapal na kurtina. Sa gitna ay isang malaking oval table kung saan karaniwang pinauupo ang mga bisita ng pamilya.
Paglapit ko sa b****a ng silid ay nakita ko agad ang mga naroon. Ang mga magulang ni Carlos at si Carlos mismo.
At si Kuya Matteo na nakaupo sa kabilang gilid ng mesa, kalmado lang habang nakikinig sa usapan.
Nakaupo si Carlos sa tabi ng ama niya. Tumatawa siya habang may kinukuwento sa mga magulang niya, relaxed na relaxed ang postura niya. Sa kabilang side ng mesa naman ay magkatabi ang mommy ko at ang ina ni Carlos.
Si Doñya Catalina.
