LUMABAS si Laura sa banyo pagkatapos niyang maligo. Pinupunasan niya ang basang buhok gamit ang tuwalya nang biglang tumunog ang ringtone ng cellphone niya.
Humakbang naman siya palapit sa bedside table para kunin ang cellphone. At nang tingnan kung sino ang tumatawag ay nakita niyang si Margarette iyon.
At bago sagutin ang tawag nito ay naupo muna siya sa gilid ng kama.
"Hello?" wika ni Laura nang tuluyang sinagot ang tawag ng kaibigan.
"Laura, kamusta?" tanong naman sa kanya ni Margarette mula sa kabilang linya.
"Okay naman ako, Margarette," sagot naman niya dito.
"Eh, diyan sa mansion? Kamusta ka diyan? Hindi ka naman ba pinapahirapan ni Draco?" sunod na tanong nito.
At nang banggitin nito ang pangalan ni Draco ay hindi niya napigilan ang pamulahan ng mukha. Lalo na ang gin
