AGAD na natigilan si Jenina nang sa paglabas niya mula sa kusina ay pabalandrang bumukas ang main door ng mansyon at pumasok doon si Señorito Drake.
Nakasuot na lang ito ng long white sleeve na nirolyo hanggang sa may siko nito at wala na sa ayos ang suot nitong necktie. Ang itim nitong coat ay nakasampay na sa kaliwang balikat nito.
"Señorito Drake, okay lang po ba kayo?" kaagad niyang tanong nang makitang pasuray-suray itong naglalakad sa may hallway.
Mahina pa siyang napasinghap nang mag-angat ito ng tingin sa kaniya at nagtama ang mga mata nilang dalawa. Malalim at matiim ang namumungay nitong mga mata. Pero ganoon na lang ang panlalaki ng kanyang mga mata nang bigla na lang itong mabuway sa kinatatayuan nito.
Nagmamadaling nilapitan niya ito at kaagad inalalayang makatayo pero hi
