Nanghihinang napaupo si Diva sa sofa dahil halos dalawang linggo na niyang tinatawagan si Brent pero hindi niya makontak ang lalaki.
Halos araw-araw ay sinusubukan niyang tawagan ito pati na rin si Roberta pero hindi niya talaga makontak ang dalawa.
Araw-araw niya ring hinihintay ang text at tawag nito pero kahit isang beses ay hindi man lang siya nito tinangkang contact-in.
Sa sobrang inis na nararamdaman niya ay pinagsusuntok niya ang throw pillow sa tabi niya.
"Humanda kayong dalawa sa akin pag-uwi ko diyan sa Magiron! Pag-uuntugin ko kayong magpinsan!" frustrated niyang saad sa kawalan.
"Ano ba'ng nangyari sa sa 'yo? Bakit parang galit na galit ka?" tanong sa kaniya ni Angelo na kararating lang. Nadatnan kasi siya nito sa ganoong tagpo.
Tinawagan niya kasi ito kanina na pumunta m
