KINABUKASAN gaya ng inaasahan ay nagising si Portia na mahigpit ang pagkakayakap sa kaniya ng asawang si Vincent. Napangiti siya saka buong pagmamahal na pinakatitigan ang perpekto at napaka-gwapo nitong mukha.
Kahit hindi niya aminin, alam niya mismo sa sarili niyang ito ang mukha nanaisin niyang mapagmasdan habang tumatanda siya. At kahit pa sabihing walang katiyakan at talagang mabilisan ang lahat ngayon, positibo siyang sa huli ay magiging kagaya rin ng sa iba ang mayroon sila. Nagmamahalan.
Napangiti siya sa isiping iyon saka minabuting bumangon na para simulan ang paghahanda ng agahan. Iyon yata ang unang beses na maghahanda siya ng breakfast para sa kanilang dalawa mula nang magpakasal sila kaya kailangang special.
Napakasarap naman kasing mag-alaga ni Vincent bukod pa sa nakapa-
