“Binibinyagan kita, Chris Jarielle Villafuerte, sa ngalan ng Ama, ng Anak at ng Espiritu Santo. Amen.”
Matapos ang naganap na binyag ay agad na silang dumiretso sa kanilang bahay para sa inihandang konting salo-salo kasama ang malalapit na kaibigan at kamag-anak.
“Janus, pakiabot nga ng lampin ni baby Jarie.”
Agad s’yang tumalima sa utos ng kanyang asawa. Napangiti s’ya ng mapagmasdan ang anak na natutulog sa mga bisig ni Indira habang marahan nito iyong idinuduyan.
Tatlong buwan na ang nakakaraan simula ng manganak si Indira. At sa loob ng tatlong buwang iyon ay punung-puno sila ng kasiyahan lalo pa’t nakakasama na nila ang kanilang munting anghel na siyam na buwan din nilang pinanabikan.
Natatawa na lamang s’ya sa tuwing naaalala ang tagpo sa hospital ng dumating ang kanilang mga m
