“Mahal, hinahanap ka na ni Mama.” Anito habang hinahaplos ang kanyang buhok. “Namimiss ka na daw n’ya.”
Tiningala n’ya ito. “Sabihin mo miss ko na rin s’ya.”
Tumango ito at hinigpitan ang pagkakayakap sa kanya mula sa likod. “Sinermunan pa nga ako, eh. Ayaw daw kitang ipakita sa kanya dahil gusto daw kitang solohin.” Natatawang kuwento pa nito.
Natawa rin s’ya at ipinahinga ang ulo sa dibdib nito. “Ang lakas kasi ng tama mo sa ‘kin, eh.”
Naramdaman n’ya ang maagang paggawad nito ng halik sa kanyang ulo. Napabuntong hininga ito. Pumikit s’ya habang ninanamnam ang yakap nito. Kahit pa mahangin sa kanilang kinaroroonan ay hindi naman s’ya ganoong nakakaramdam ng lamig dahil sa yakap nito.
Kasalukuyan silang nasa resort na pagmamay-ari ng nakakupkop kay Janus. Si Janus na rin ang namamaha
