Napakamot si Indira sa kanyang braso ng labis na nangati iyon. Kanina pa s’ya nangangati habang sinasagutan ang panghuling exam nila sa araw na iyon. Kahit gusto n’yang itigil ang pagkamot ay hindi n’ya magawa.
“Indie, baka masugatan ang braso mo.” Bulong sa kanya ni Rhian.
“Yes, Miss Mendoza, do you have any questions?”
Napapikit ng mariin si Rhian ng tawagin ng kanilang professor. Peke itong ngumiti at umiling. “No, Ma’am.”
Bumalik sa pagsasagot ang kaibigan n’ya habang marahang pinalo-palo na lamang ang kanyang braso. Tama ang kaibigan n’ya, baka magkasugat pa s’ya. Mas maaga s’yang natapos sa pagsasagot kaya naman ay tinignan n’ya ang brasong nangangati. Simula kanina paggising n’ya ay kumakati na iyon. Sigurado naman s’yang hindi iyon dahil sa kanyang hinihigaan dahil kahapon lan
