“Hinding-hindi mo na s’ya mababawi sa akin!”
Napasinghap s’ya ng biglang marinig ang boses na iyon. Pamilyar ito ngunit hindi n’ya maalala kung saan iyon narinig. Halata ang poot at galit doon kahit hindi n’ya pa nakikita ang mukha ng taong nagbitaw ng mga salitang iyon.
Biglang binundol ng kaba ang kanyang dibdib. Alam n’yang s’ya ang kinakausap niyon dahil wala namang ibang tao sa kanyang kinaroroonan.
Kasalukuyan s’yang nasa isang tagong bahagi ng kanilang school ground at nakaupo sa isang malaking bato. Nag-iisa lang s’ya doon. Galing s’ya sa pagpapapirma ng clearance mula sa kanyang mga professor. Hindi n’ya kasama ang kanyang mga kaibigan at hindi rin naman n’ya nakita ang mga ito sa araw na iyon.
Unti-unti n’yang inangat ang kanyang ulo at ganoon na lamang ang kanyang pagkagimb
