Chapter 36:
(Saica's POV)
"Ano ang mga pangalan niyo? Siguraduhin niyo lang na magma-match ang mga sasabihin niyo rito," sambit ng malaking lalaki sa mga bumisita sa akin.
May dala-dalang notebook at sign pen ang lalaki. Nakatanaw lang ako sa kanila mula dito sa loob. Nakabukas kasi ng malawak ang pinto.
"Brendalyn Delos Santos po, boss," ani Brenda. "Hetong mga batang kasama ko, si Vashtian at Kishi Dela Cruz."
Tumango-tango ang lalaki saka nagsulat doon sa notebook. Bumaling ang lalaki kay Saki, "At ikaw? Anong pangalan mo?"
"Sakina Dela Cruz," Ngumiti si Saki ng malungkot. Tila ba bukod sa nalulungkot siya dahil mamamatay na ako, tila ba may iba pa siyang problema.
Tumango ang lalaki at iginaya sila patungo sa kung saan. Isinara naman ng mga pulis ang pinto kaya humiga na rin ako
