Dillagi

Dillagi_Part11

Zaviyar ke is dilerana faisle ne jahan sab ko hairaan kiya, wahin ab kahani mein ek naya aur khoobsurat morr aane wala hy

---

Zaviyar ke CEO ki kursi chorne ke baad, agle do hafte dono ke liye bohot masroofiyat aur jaddojahad se bhare the. Zaviyar ne himmat nahi haari thi. Us ne ek chota sa office rent par liya aur apni nayi consulting firm shuru karne ki tayaari mein lag gaya. Meerab har qadam par us ke sath khari thi. Wo ab sirf us ki assistant nahi thi, balki us ki sab se barri taqat ban chuki thi. Dono mil kar din raat wwa kar rahe the, aur unki chemistry ab pehle se bhee zyada gehri aur khoobsurat ho gayi thi.

Ek shaam, jab dono naye office mein files check kar rahe the, to achanak office ke baahir ek barri luxurious gaari aakar ruki. Darwaza khola aur andar chairman (Zaviyar ke dad) dakhil hue. Unhe dekh kar Meerab aur Zaviyar dono hairat se khare ho gaye. Meerab ke dil mein thoda darr dakhil hua, lekin Zaviyar ne narm-mizaji se kaha, "Dad? Aap yahan?"

Chairman ne poore office ka jaiza liya, phir unke chehre par ek aisi muskurahat aayi jo Zaviyar ne bachpan se ab tak kabhi nahi dekhi thi. "Zaviyar, tum ne mujhe hamesha ek sakht aur her-fari karne wala baap hi samjha hai na?" Chairman ne aahista se kaha. "Lekin us din board room mein, jab tum ne is larki ki izzat aur apne pyar ke liye apni barson ki mehnat aur CEO ka ohda ek pal mein thukra diya... to mujhe tum par gussa nahi aaya. Balki mujhe fakar mehsoos hui."

Zaviyar aur Meerab dono hairat se ek doosre ko dekhne lage. Chairman Meerab ke qareeb aaye aur unho ne bohot narm lehje mein kaha, "Meerab beti, mujhe maaf kar dena. Main business ke chakkar mein yeh bhool gaya tha ke dunya mein imandari aur sacchi mohabbat se barh kar koi cheez nahi hoti. Tum ne mere bete ko ek behtareen aur diler insan bana diya hai." Meerab ki aankhon mein khushi ke aansoo aa gaye aur us ne adab se unka aashirwad liya.

Chairman ne Zaviyar ki taraf dekha aur table par wahi resignation ka lifafa wapas rakh diya. "Main Natasha aur us ke baap ki saari deals cancel kar chuka hoon. Mujhe kisi aisi deal ki zaroorat nahi hai jo mere bete ki khushi chheen le. Yeh tumhara resignation hai, jise main ne reject kar diya hai. Tum kal se wapas apni company ke CEO ho, aur..." Chairman ne Meerab ka haath pakad kar Zaviyar ke haath mein thama diya, "Aur Meerab ab is company ki PA nahi, balki tumhari hone wali dulhan aur is ghar ki bahu ban kar hamare sath chalegi."

Yeh sunte hi board room aur office ke saare darr, fasle aur mushkilaat ek pal mein khatam ho gaye. Meerab ne rote hue sharm se apna chehra Zaviyar ke kandhe par chupa liya, aur Zaviyar ne use bohot pyar se apne sath laga liya. Unki 'Dillagi' ab dushmani aur aazmaishon ke saare imtihan paar kar ke, ek haseen aur pakiza rishte ke naye safar par nikal chuki thi.

*(The End)*