Dahil sa pagod at jetlag ay mas pinili ko na lang na magpahinga, naligo lang ako at binalot ulit ang katawan ko ng coat. Winter dito ngayon kaya malamig, mabuti na lang talaga at may heater kaya na-iibsan nito ang lamig.
Kinabukasan ay maaga akong nagising dahil sa mga katok ni Gideon, inaantok pa ako at humihikab habang binubuksan anf pinto.
"Good morning!" masiglang bati nito sa akin.
"Morning, ganda ng gising natin a. Kanina ka pa ba nagising?" tanong ko rito.
"Oo, pinaghanda na kita ng kape sa baba. Maligo ka na dahil aalis na raw tayo mayamaya, hahantayin kita para sabay na tayo mag-breakfast." Bilin nito sa akin.
"Sige, mabilis lang 'to." Sagot ko naman at sinara na ulit ang pintuan.
Kinuha ko iyong towel sabay pumasok sa sariling banyo ng silid ko. May warm water din ang showe
