FIFTEEN
Hindi niya akalain na ganito kabilis ang pangyayari. Sunud-sunod ang pag-flash ng mga ilaw sa kanilang banda. Mga media ito. Hindi man lang siya nasabihan para makapaghanda man lang sa mga ganitong paandar. Nanatili muna silang nakatayo habang hinahayaang picture-an sila nang ilang beses ng mga ito.
Pilit siyang ngumiti habang iniinda ang liwanag na nagmumula sa camera.
“Are you okay?” ani Ralph habang inaayos pa ang pagpulupot ng kanilang braso.
Tumango lang siya rito. Inipit pa ng binata ang ilang hibla ng kanyang buhok sa tainga bago tuluyang maglakad sa red carpet.
Maraming nagtaka sa ginawa sa kanya ni Ralph. Hindi niya man marinig dahil sa music, kitang-kita niya naman ang mga tingin at reaksyon sa kanya ng mga taong nandirito.
Maraming kilala, mayama
