Sue’s pov
SA ILANG araw na nakilala ni Sue si Rafael ay naging kampante na siya rito. Bigla na lamang itong sumusulpot sa kanyang shop at tutulungan siya ng kusa. Hinahayaan na lamang niya ito total ay kakilala naman nito si Mang Banjo. At mukha naman itong mabuting tao. Wala itong ginawa kundi ang i-kwento ang pagiging mahilig din ng asawa nito sa Antique. Ayaw niyang bigyan ng kahulugan ang pagiging malapit ni Rafael sa kanya dahil wala naman itong pinapakitang masama.
Napansin niyang tumunog ang cellphone nito kung kaya nagpaalam muna sa kanya si Rafael upang sagutin nito ang tawag. Nakamasid lamang siya nito. Mabilis lamang itong nakipag-usap sa kabilang linya at agad na bumalik. Kinuha nito ang martilyo na iniwan at muling inayos ang mga sirang cabinet na plano niyang p
