Sue’s pov
HINDI malaman ni Sue kung ano ang uunahin. Nataranta siya sa tawag ni Winston. Hindi niya malaman ang gagawin sa kabang nararamdaman. Mabuti na lamang at gising siya at naghihintay dito dahil kung nagkataon na tulog siya ay baka hindi niya nasagot ang tawag ni Winston. Agad niyang siniguro kung nakalock ang lahat ng pintuan. Naglagay rin siyang double lock. Hindi niya man alam kung ano ang dahilan kung bakit iyon pinapagawa ni Winston ay minabuti niya na rin na sundin ito. Bitbit ang cellphone ay agad siyang umakyat sa kanilang silid. Agad niyang kinuha ang malaking maleta at agad na nilagyan ng laman. Lahat nang nasa drawer na sa tingin niya ay importante ay kinuha niya. Nagmamadali niyang ipinasok iyon sa maleta. Mabuti na lamang at ang kanyang mga gamit ay nasa
