Pagsapit ng dilim, maaga natulog si Emily dahil maaga pa siya bukas sa trabaho niya. Ako nama’y nasa sala at ready na para gumawa ng box for take out. Narito rin sa bahay si Harold dahil tutulungan niya raw ako sa paggawa.
“Hindi kaya mapuyat ka kung ngayon mo ito gagawin?” tanong niya nang maupo sa lapag.
“Kaya ko naman saka masaya ako na gawin ito. Ikaw, may trabaho ka bukas, okay lang ba sa ’yo na tulungan ako?” tanong ko.
“Syempre naman, na-miss din kita kasama. Palagi na tayong busy pareho kaya parang ito na lang ang bonding natin,” sambit niya.
“Sa bagay, kapos na sa oras pero salamat kasi nag-effort ka pa rin,” wika ko at ngumiti sa kaniya.
“Ayoko kasing maramdaman mo na may pagkukulang ako, kaya kung may free time pa, sa ’yo ko na ilalaan.”
“Thank you. By the way, may mga
