Sa mga sumunod na araw, busy lang si Emily sa pagde-design niya ng gown. Palagi rin siyang umaalis at gabi na kung umuwi sa bahay. Habang ako naman naghahanap ng mga kanta na puwede kong kantahin kapag binuksan na ang coffee shop.
Busy rin si Harold pero ngayon hindi muna siya umalis. Nagpaalam daw siya sa Daddy niya na hiramin ang araw na ito para makasama ako. Nakaupo ako sa sofa habang nakahiga siya at nakaunan sa hita ko.
“Nicole, are you okay with this?” Naibaba ko ang cellphone ko at tiningnan siya.
“Saan?”
“Sa ganito, minsan lang tayo magkasama o mag-bonding dahil sa trabaho. I’m busy and you’re busy.” Bakas sa mukha niya ang pangamba at pag-aalala. Bumangon pa siya at umupo sa tabi ko.
“And? What’s wrong with that? Magkikita pa rin naman tayo sa gabi,” saad ko. Hinawakan ko
