Nagkakasiyahan sa kaharian ng Imana dahil sa wakas ay kompleto sila at walang gulong naganap sa loob ng isang linggo. Walang sumalakay na mga kalaban o mga taksil sa kanila.
Masayang pinagmamasdan ni Liana ang lahat na nagsasaya nang mahagip ng kanyang mga mata ang prinsipe ng Zacarias, hindi man niya aminin ay batid niya sa kanyang sarili na iniiwasan niya ang bampirang prinsipe dahil sa kakaibang pakiramdam na dinudulot nito sa kanya.
Alam din niya na imposibleng hindi mapuna ng prinsipe ang ginagawa niyang pag iwas dito ngunit ni hindi man lang ito nagtanong sa kanya o nagtaka.
Hinayaan lamang siya nito.
Ngayon na malaya niyang natititigan ang prinsipe na mag isang umiinom sa isang sulok at hindi gaanong pinupuntahan ng ibang kasamahan ay nagawa niyang pag aralan ang mga kilos at ma
