"HINDI mo pa ba gustong umuwi?" tanong ni Fe sa kanya. Isinabay niya ito kanina pag-uwi. Pero dahil hindi niya naitago ang pag-iyak ay sinamahan siya nito sa isang mall para magpalipas ng oras.
"Mamaya pa. Baka hinihintay ka na ng pamilya mo."
"Naku, hayaan mo lang. Ngayon nga lang ako nakagala eh," nakangiting wika nito. Alam naman niya na hindi lang siya nito maiwan. "Ano ang plano mo ngayon?"
"Mag-a-apply ulit ng trabaho. Wala namang ibang choice kung hindi ipagpatuloy ang buhay."
"Hindi ka na uuwi kina Sir Raji? Naku, magwawala 'yun."
Pilit lang siyang ngumiti. Kanina lang ay kulang na lang palayasin siya sa bahay.
"Kumusta kayo ng asawa mo?"
"Kami? Okay naman. Nagtatrabaho din siya para dalawa kaming kumikita kasi pareho kaming tumutulong pa din sa pamilya namin kahit may sar
