Nasa silid pa si Yana habang inihahanda ang damit ng mga anak nila ni Raji. Limang buwan na ang triplets at mamaya ang binyag ng mga ito. Alas sais pa lang naman ng umaga at nag-e-enjoy si Raji na dalhin ang mga bata sa hardin.
Dalawang buwan pa mula nang makalabas sila sa ospital bago siya tuluyang naka-recover. Pinagtyagaan siya ni Raji na alagaan kahit may tatlo pa silang anak na pinagpupuyatan nito. Tig-isa isa man ang yaya ng mga bata, hands-on pa rin si Raji sa pag-aalaga. Kaya ngayon ay bumabawi siya.
Maayos na ang kalusugan niya pero buwan-buwan ay nagpapa-general checkup sila ayon na rin sa kagustuhan ni Raji. Nahirapan lang talaga siya sa pagbubuntis noon kaya't humina ang resistensiya niya.
Nasa ibabaw ng kama ang damit ng triplets na personal nilang pinili sa mall noong is
