Kakaibang saya ang nadarama ni Sebastian. Pinapunta na sila ni Red sa stage kung saan niya isusuot ang nakuhang garter sa harap ng mga manonood. Minabuti niya na sunduin si Red sa upuan nito para sabay na silang umakyat sa stage.
"Hi, Red," bantulot niyang pagbati muli rito.
"Hello, Mayor Seb," nakangiting ganting bati rin nito sa kanya.
"Can I," inilahad niya ang palad dito na tila ba isa itong prinsesa na aalalayan ito.
"Yes," ibinigay nito sa kanya ang isang palad at sabay na silang naglakad. Habang papunta sa stage at inalalayan si Red ay napasulyap siya sa gawi ng bagong kasal. Kapwa tuwang-tuwa at may ngisi sa mga labi ang dalawa. Nang nasa stage na ay agad na umupo si Red sa upuan at inalis ang isang pares na six inches high heels nito. Pagkuwan ay nag-announce na ang emcee na p
