Nasa opisina siya at busy na nagdidikta sa kanyang sekretarya nang mag-vibrate ang kanyang cellphone na nakalagay sa kanyang bulsa. Ipinagwalang bahala niya ito at nagpatuloy sa pagdikta sa kanyang sekretarya na si Ate Tess. Subalit patuloy sa pag-vibrate ang kanyang cellphone na ang ibig sabihin ay may tumatawag sa kanya. Napilitan na siya na sagutin ito.
"Sandali, Ate Tess, may tumatawag sa cellphone ko. Baka emergency. Sagutin ko lang," paalam niya sa kanyang sekretarya.
"Okay, sige, lang. Huwag mo akong alalahanin, Mayor," nakakaunawang sagot nito sa kanya. Pagkuwan ay sinimulan na nitong review-hin ang mga papeles na hawak-hawak habang may kausap siya. Nang makita sa screen na unknown number ang tumatawag ay napakunot ang noo niya. "Sino naman kaya ito?" piping tanong niya sa saril
