Pagdaring nila ni Nico sa bahay, agad na siyang nagpaalam kay Nico na magpapahinga na, ramdam kasi niyang nagseselos si Nico sa kaibigan niyang si Adam. Tandang, tanda niya ang ganoong kinikilos ni Nico, dahil ganoon na ganoon ang kinilos ni Nico sa tuwing may lalaking nais makipag kaibigan sa kanya, lapitan nga lang siya ng lalake, nagseselos na agad ito.
"Aakyat na ko Nico," paalam pa niya kay Nico na dumeretso sa mini bar. Mukhang iinom ito ng alak ngayon, dahil sa selos nito kay Adam. Lihim siyang nangingiti habang paakyat ng hagdan.
Pagpasok niya ng silid nagtatalon siya sa pagtawa, halos sumakit na nga ang tiyan niya sa kakatawa, paano naman kasi siya hindi matatawa eh pinagseselosan ni Nico si Adam na mas babae pa sa kanya, at pareho sila ng gusto ni Adam, dahil bading ito.
Nagin
