Agad na rin siyang umalis nang makita ang paparating sa pwesto nila na si Ms. Mateo. Sinabi na niya sa sarili niya na re-respetuhin niya ang relasyon ng dalawa. Wala siyang balak agawin ito o ano dahil ang gusto niya lang ay ang isaksak sa utak, puso, at kaluluwa niya na wala na nga sila ni Kanye. Hangga’t hindi pa niya nararamdaman iyon ay hahayaan niya ang sarili na gawin ang kung ano ang gusto nito. Kung sakit man ang kailangan niya ay handa siyang maramdaman iyon para lang matanggap niyang wala na nga sila.
“Where have you been?” tanong ni Gael sa kanya nang makabalik siya pwesto nila. Ngumiti siya sa kapatid bago umupo sa tabi nito at pinulot ang inumin na nasa mesa at inisang lagok bago ito sinagot, “Trying not to be a b*tch and a relationship wrecker!”
“Are you okay?” tumango na l
