Amber Pov
Nakakapagod ang gabing ito ngunit okay lang dahil medyo malaki-laki rin naman ang tip na naipon ko mula sa mga galanteng customers.
"Uuwi ka na ba, Amber?" tanong sa akin ni Mildy. Katulad ko ay inaayos na rin niya ang kanyang mga gamit dahil mag-time out na siya. Pasado alas nueve na ng gabi kaya dumating na ang aming mga karelyebo sa trabaho.
"Oo, uwi na ako. Sabay na tayong lumabas," sabi ko sa kanya.
"Bakit? Natatakot ka bang harangin ulit ni Santi? Hina-harass ka ba niya ulit?" may pag-aalala ang boses na tanong sa akin ni Mildy. Kanina kasi pagkaalis nina Alex at Phil sa bar ay biglang dumating si Santi kasama ang mga kaibigan niya. Kahit ayoko siyang i-entertain ay napilitan pa rin ako dahil nag-request siya sa manager namin na ako lamang ang waitress na magse-serve s
