Kinabukasan ay sinadya kong magpa-late para siguradong pagdating ko sa school ay nagsisimula na ang mga klase at siguradong nasa loob na ng mga classrooms ang mga estudyante.
Tahimik akong pumuslit sa loob ng classroom habang busy ang lahat sa paggawa ng activity na nasa blackboard.
Sa pinakadulong upuan ako naupo sa likuran ng mga naglalakihan kong mga classmates para di agad ako mahalata mula sa pinto.
Napansin ko ang nagtatanong na tingin ni Shane nang di ako umupo sa dati kong pwesto at iyon ay sa tabi niya.
Nag-iwas lang ako ng tingin at tinutok ang buong atensiyon sa activity na kailangan kong gawin.
Nang tumunog ang bell hudyat ng unang break time para sa umaga ay mabilis akong nag-ayos ng gamit at agad na nakipagsiksikan sa mga classmates kong lumabas para pumunta sa cafeteria
