Bumuntonghininga si Lorraine dahil sa pagkabagot. Tatlong linggo na ang nakakalipas at hanggang ngayon hindi niya pa alam kung ano ba talaga ang plano ni Esteban sa kaniya.
At isa pa, bwesit na bwesit na rin siya sa collar na nilagay nito sa kaniya. May times na para siyang nasasakal.
"Ano ba ang plano ng Master mo sa'yo?" untag ni Mae sa kaniya dahil nakatulala siyang nakatingin sa kung saan.
"Anong Master ang pinagsasabi mo riyan? Walang nagmamay-ari sa akin." Sumimangot siya saka ipinagpatuloy ang pagtutupi ng mga damit ni Mae. Wala naman siyang gamit, nanghihiram lang siya rito.
Bahagyang natawa si Mae, saka umupo na rin katabi niya. Katatapos lang din nitong magmake-up. Ewan niya ba, lahat ng mga babae rito ay ang kakapal ng kolorete sa mukha.
"Admit it, he's your Master. Dah
