DAHIL SA NANGYARI kay Basty. Bahagyang nakaramdam ng guilty si Bea. Alam naman niya ang maaaring mangyari kung sakaling maging masaya o malungkot. Ngunit hindi naman niya kasi pwedeng kontrolin ang feelings ni Basty. Naiintindihan niyang masaya ito dahil sinagot na niya ito.
Bumuntonghininga si Bea habang nakatitig kay Basty na ngayon ay payapang natutulog sa silid nito. Magkakrus ang mga braso niya sa tapat ng dibdib habang nakatayo siya sa gilid ng kama.
Ang hirap kasi sa sitwasyon nito, hindi ito pwedeng maging masaya nang sobra dahil ang puso ay mabilis mapagod. Ganoon na kalala ang lagay ng puso ng binata.
Ngayon ay napagtanto niyang dapat ay maging mas maingat pa siya sa mga magiging galaw o kahit sa mga bibitiwan niyang salita rito.
Bahagya siyang dumukwang dito upang ayusin an
