Luca’s POV
Naalimpungatan ako nang marinig ko ang isang sigaw ng lalaki na tila nanggagaling sa kabilang kuwarto. Si Roderick ata. Pagdilat ng mata ko ay nakita kong natutulog sa tabi ko si Kylo. Nagugutom ako kaya naghanap ako ng pagkain sa labas. Saktong paglabas ko sa room namin ni Kylo ay nakita kong papasok naman sa kabilang kuwarto sina Finn at Bard na tila naalimpungatan din sa ingay na ginawa ni Roderick. Tumingin ako sa relo ko. Pasado alas diyes na ng gabi.
Sumunod ako sa dalawa. Pagpasok namin sa loob ng kuwarto na ‘yun ay nakita kong gumagawa talaga ng ingay si Roderick. Nagbalik lahat sa isip ko ang lahat nang ginawa niya sa akin. Uminit ka agad ang ulo ko. Makita ko pa lang ang mukha niya ay iritang-irita na agad ako.
“Tumahimik ka kung ayaw mong ipasak ko sa bibig mo ang
