Habang nasa kotse, titig na titig si Maxime kay Seibas. Hinaplos niya ang sariling daliri at maraming eksena ang nabuo sa isip niya. Marami siyang agam-agam. Ngayon na nga lang siya umibig pero mukhang hindi pa siya magiging masaya at ang pangarap niyang kasal ay hindi na matutupad. At lalo na ang pangarap niyang lalaki na makasama habang-buhay ay naglaho na parang bula sa kanyang pangarap.
Hindi niya alam kung dapat bang panghinayangan ang kanyang gagawin. Alam niyang mas lalong magagalit sa kanya si Seibas at mabibigla ito pero isa lang ang sigurado siya. Kung mahal talaga siya ni Seibas, kahit ano pa ang kanyang mga nagawa noon at ginagawa pa ngayon, mamahalin siya nito ng buong buo. Pero sa sulok ng kanyang puso, ayaw niyang umasa. Pangarap lang siyang pakasalan ni Seibas ngayon dahi
