Nagsalubong ang kilay ng aking ina nang marinig niya ang salitang bebelabs.
"Bebelabs ba ‘ika mo? Sino iyon?" pagtatakang tanong ni Nanay.
Napalabas akong bigla sa aking kuwarto at sumabat sa usapan nila.
"Ay, ‘Nay ako po iyon. Kasi iyon ang nickname ko sa work. Siya nga pala, siya po ang boss ko, si Sir Bernard. Sir, siya po ang nanay ko," pagpapalusot kong sabi.
"Ay, Sir Bernard! Tuloy po kayo." biglang umamo ang mukha ni Nanay na tila nahihiya at nag-ayos ng damit kasi naka-daster lang siya.
"Kumusta po kayo?" magalang naman na tugon ni Sir, este bebelabs ko.
"Mabuti naman. Tuloy ka lang at maghahanda ako ng maiinom mo," pagpapa-cute na sinabi ng aking Ina. Dumiretso na siya sa aming kusina na limang hakbang lang mula sa sala, kung saan ‘andoon din ang aming main door.
Dire-diret
