Chapter Thirty Eight (Part 1)
NANATILING tahimik ang buong classroom namin matapos sumunod nila Denisa at Jefferson sa aming teacher.
Natahimik na rin maging ang mga nang-aasar kanina. May mangilan-ngilan pa ring napapatingin sa direksyon ko pero karamihan ay mukhang wala nang pakielam sa nangyari dahil nagpasya na silang lumabas ng classroom at pumunta sa cafeteria dahil recess na rin naman.
Samantala, tahimik muna akong naupo sa pwesto ko at hindi maiwasang isipin kung ano nang nangyari 'kila Denisa. Naiinis ako sa sarili dahil dinala ko nanaman siya sa kapahamakan dahil sa sarili kong kagagawan.
Gusto ko sana silang sundan pero binilin ni Denisa kanina na mauna na raw ako sa cafeteria at susunod nalang siya. Sana nga ay matapos agad ang pag-uusap nila kasama ang aming teacher para m
