Napaisip ako't napaiwas ng tingin sa kanya. "Ay, hindi! Pambabae iyon, e. Ano nga iyong tinawag sa kanya ng girlfriend niya bago siya sinampal? Ano nga ulit iyong pangalan niya? Li . . . Lilly? Ay, hindi! Pambabae rin 'yon, e. Li . . . Lintik? Lito? Leon? Lion? Lion tiger? Lion tiger katol? O baka naman baygon katol? Naku! Ang dami sigurong lamok sa kanila kaya ayan ang pinangalan sa kanya ng nanay niya, para 'di na lumapit sa kanila iyong mga lamok. Aba naman! Sa mata pa ba naman niyang nagliliyab sa galit ay siguradong tatakbo na ang mga lamok," sabi ko pa at lumingon na ako uli sa kanya.
Sa paglingon kong muli sa kanya ay siya 'ring pagtingin niya sa gawi ko. Nakita ko uli ang black eye sa mata niya pero ngayon, hindi lang black eye ang nakita ko kung 'di may kasama ng pasa. May pasa n
